Вести

Реализирани Проекти

Регионално Женско Лоби 2002 Заедно до целта 2004 Мост кон еднакви можности 2005 Препознавање на разликите на ХИВ/СИДА и СПИ 2006 Женско Мрежно Јадро 2006 Свесност за еднаквост 2007 МААСП Постери од проекти

Културни Активности

Поетски Вечери Ден на Културата Ден на Екологијата Форум на граѓански здруженија Избор на успешна жена

Хуманитарни Активности

Светиниколска Вечер Пакетчиња за Божиќ Пакет за Болница

Состаноци со активистки

Kvinna till Kvinna

По повод меѓународниот ден на жената 8-ми март, на ден 05.03.2007 год., со почеток во 13 часот, во просториите на малата сала при Центарот за култура – Битола за прв пат се одржа „Избор на успешна жена за 2006 година“, во организација на Здружението на жени „Престиж“- Битола.
На манифестацијата присувствуваа конзуларни претставници, претставници од институциите на локално ниво, Градоначалникот и Советниците при Локалната Самоуправа на Општина Битола. Исто така, на манифестацијата беа присутни и поголем број на претставниците од НВО секторот.
Со цел што посвечено и поблиску се промовира концептот за родова еднаквост до граѓаните, Здружението на жени „Престиж“- Битола реалзизира промоција за Изборот на успешни жени од повеќе области: стопанство, судство, образование, безбедност, здравство и култура.
За изборот на номинираните претставници одлучуваше комисија од претставници, вработени во гореспоменатите области.
За успешни жени за 2006 година беа прогласени:

1. Г-ѓа Донка Котевска – директорка на Средното Општинско Техничко Училиште „Ѓорѓи Наумов“- Битола
2. Г-ѓа Верица Спасова – акушерка во гинеколошкото одделение при Клиничкиот  центар „Др. Трифун Пановски“- Битола
3. Г-ѓа Оливера Манели – Бандевска – секретар при Основен суд - Битола
4. Г-ѓа Рада Секуловска – трговец
5. Г-ѓа Наде Геневска – Брачиќ - етнолог – кустос при Завод, Музеј и Галерија
6. Г-ѓа Јулијана Димовска - референт - матичар во Управата за јавна администрација при МВР Битола

Здружението на жени „Престиж“- Битола за време на промоцијата обезбеди видео документи за секоја од прогласените успешни жени пооделно, кои беа прикажани пред гостите. Исто така, за време на манифестацијата беа изложени и слики, насликани од поистакнати жени – сликарки од Општина Битола, како и слики на прогласената усшпешна жена - Г-ѓата Оливера Манели – Бандевска.
Во знак на благодарност за промовирање на ангажманот и успешноста на жените од Општина Битола, „Престиж“ подготви пофалници и обезбеди подароци, кои им беа врачени од страна на Градоначалникот на Општина Битола, Г-динот Валидмир Талевски. За неговиот сестран придонес во поддршката на Здружението на жени „Престиж“- Битола и другите НВОи од градот, му беше доделена благодарница.
Празникот 8-ми март, организаторот го одбележа во знакот на цвеќето, при што за сите присутни на манифестацијата обезбеди рози и каранфили.
Манифестацијата од поголем број на присутни беше оценета како мошне успешна и истата ќе остане во трајно раководство на Здружението на жени „Престиж“- Битола и традиционлно ќе продолжи да се организира во градот Битола.